Ish-kryeministri i Kosovës, Albin Kurti ka komentuar bllokimin e llogarive të ndërmarrje publike, Telekomi i Kosovës për të cilën kishte raportuar të mërkurën ekskluzivisht arbresh.info.

Në reagimin e Kurtit thuhet se ndërrimi i qeverive trimëroi kriminelët dhe zhvatësit e pasurisë publike.

Ai përmes një postimi në facebook ka shkruar gjithashtu se gjatë kohës VV ishte në qeveri, të tillët ishin strukur dhe qëndronin pa shpresë.

Ndryshe të mërkurën arbresh.info ekskluzivisht kishte raportuar se ndërmarrjes publike, Telekomi i Kosovës i ishin bllokuar të gjitha llogaritë bankare.

“I janë bllokuar të gjitha llogaritë bankare, kjo ka ndodhur rreth gjysmë ore më parë”, kishte thënë ky burim.

Bllokimi ka ardhur pasi ditë më parë Gjykata Themelore Prishtinë ia ka njohur të drejtën kompanisë “Dardafone.net LLC” për përmbarimit (realizimin) e borxhit milionësh duke ia refuzuar prapësimin (kundërshtimin) e parashtruar nga Telekomi i Kosovës.

Ndaj kësaj të fundit ka reaguar edhe ndërmarrje teksa kanë kërkuar ndihmë nga Prokuroria e Shtetit dhe Qeveria e Republikës së Kosovës.

Në komunikatën e ndërmarrjes ndër të tjera thuhet se Telekomi po kërcënohet me falimentim.

“Me një vendim të Gjykatës Themelore në Prishtinë të datës. 6.07.2020 u refuzua prapësimi i debitorit Telekomi i Kosovës dhe u kalua në fuqi te përmbaruesi privat urdhri përmbarimor për shumën e obligimit financiar prej rreth 24.6 Milionë Euro. Me këtë vendim të procedurës së përshpejtuar përmbarimore, të pa peshuar dhe vlerësuar sa duhet, Telekomi i Kosovës po kërcënohet me falimentim. Edhe pse ekzistojnë mundësi ankimimi në Gjykatën e Apelit, e njëjta nuk e prolongon medoemos ekzekutimin e urdhrit përmbarimor”, thuhet në reagim./arbresh.info/

EKSKLUZIVE- Bllokohen llogaritë e Telekomit të Kosovës, rrezikohet me falimentim